न्यायपालिकाको अपमान गर्नु निरंकुश चरित्र ःकेसी

नेपाली काँग्रेसका केन्द्रीय सदस्य अर्जुननरसिंह केसीले  एकिकृत माओवादी अध्यक्ष पुष्पकमल दहालले संबिधानसभाको समयावधीका संबन्धका सर्वोच्च अदालतको आदेश नमान्ने अभिब्यक्ती दिएर बिधीको शासन र स्वतन्त्र न्यायपालिकाको अपमान गरेको आरोप लगाएका छन् । लोकतान्त्रिक संबिधान निर्माणका जटीलताहरु पन्छाउन दलहरु सक्रिय रहेका बेला दहालबाट आएको अभिब्यक्तीले माओबादीमा अझै पनि सर्बसत्ताबादी  धङधङी बाँकी रहेको प्रमाणित गरेको केसीको भनाई छ ।
बिहिबार नुवाकोटको मदानपुर ढाँडेफेदी स्थित सूर्यमती उच्च माबिको ५५ औं बार्षिकोत्सव समारोहलाई संबोधन गर्दे काँग्रेस केन्द्रीय सदस्य केसीले माओवादीमा शान्ति र लोकतान्त्रिक संबिधान निर्माण गर्ने नीति,घोषणा ओठे प्रतिबद्धतामा अगाडी देखिएतापनि उसको नियत त्यसको ठीक वीपरीत भएको बताए ।बिधीको शासन र स्वतन्त्र न्यायपालिका प्रती प्रतिबद्ध हुनुपर्नेमा आफूले भनेको मात्र प्रगतीशील र ठीक मान्ने अनि अरु सबै बेठीक भन्ने गलत प्रबृत्तीले शान्ति प्रकृया पनि नटुङ्गिने र संबिधान पनि नबन्ने केसीको दावी थियो ।
बर्तमान सरकारका कृयाकलापहरु क्रमशःअधिनायकबादी दिशामा अग्रसर रहेको बताउँदै नेता केसीले सूचनाको बर्गीकरण स्थगीत गर्ने निर्णय भएपनि त्यसको कार्यान्वयनमा देखिएको उदासीनताले सरकार सफेद झूठको भरमा टिक्ने रणनीतिमा लागेको पुष्टि भएको दावी गरे ।
यसैगरी अर्को एक प्रसंगमा काँग्रेस नेता केसीले शिक्षण संस्था सबैको साझा संस्था भएकाले राजनीतिक आग्रह र पूर्वाग्रह भन्दा माथी उठेर सबैले सहयोगी भावनाका साथ शैक्षिक बिकासमा लाग्नु पर्ने बताए ।
कार्यक्रममा संबिधानसभा सदस्य एवं नेपाली काँग्रेस नुवाकोटका सभापति जगदीश्वर नरसिंह केसीले माओबादीकै कारण समयमै संबिधान नबन्ने बताउदै लोकतान्त्रिक संबिधानका लागि सशक्त जनदबावको आवश्यकता औंल्याए ।
कार्यक्रममा काँगै्रस क्षेत्रीय सभापति गोबिन्द थपलिया,महाधिबेशन प्रतिनिधी पदमराज पौडेल,कृष्ण कुईकेल,प्रेस युनियनका केन्द्रीय सदस्य शिव देवकोटा,काँग्रैस मदानपुरका सभापति बद्री तिवारी,बिद्यार्थी अम्विका सेढाई,अम्बिका पन्त लगायतले शिक्षाका बिबिध पक्षहरु मथि प्रकाश पारेका थिए ।