Tuesday, August 16, 2022

अवरोधबीच सोमबार २ सय ३ गाडी फोहोर विसर्जन

धुनिबेंसी नगरपालिका(१ मा सत्तारुढ र विपक्षी दलका अवरोधबीच बन्चरेडाँडामा फोहोर विसर्जन गरिएको छ । प्रहरी परिचालन गरेर गाडीलाई सुरक्षा दिएर सोमबार २ सय ३ वटा गाडीले फोहोर विसर्जन गरेको काठमाडौंको मेयर बालेन्द्र शाहले जानकारी दिएका छन् ।

उनले सोमबार २ सयभन्दा बढी प्रहरी परिचालन गरी फोहोर बोकेका गाडी बन्चरेडाँडा लगिए पनि केही समूहले गुलेली हानेर अवरोध गरेको पनि बताएका छन् ।फोहोर व्यवस्थापनमा तत्काल देखिएका समस्या सतही मात्रै भएको उल्लेख गर्दै उनले भनेका छन्, ुकेही दिन र केही समयबाट देखिरहेको समस्या सतही मात्रै हो । यसका गहिरा र अलग्गै कारणहरु छन् । नत्र सोच्नुहोस् त, राज्यले ५ अर्बभन्दा बढी लगानी गरिसकेको, झन्डै २ दशकदेखि योजना बनाएको ठाउँमा फोहोर लैजान यतिका माथापच्ची किन गर्नु पर्छ रु २०० भन्दा बढी प्रहरी परिचालन गर्दा पनि स्थानीयले लुक्दै गुलेली हान्न सक्ने अवस्था किन बन्छ रु पूरै राज्य संरचना यस्तो निरीह किन बन्छ रुु

सत्तारुढ दलका स्थानीय नेताहरूले नै आइतबार बन्चरेडाँडामा फोहोर फाल्न नदिने भन्दै विज्ञप्ति जारी गरेका थिए । नेपाली कांग्रेस, नेकपा माओवादी केन्द्र र नेकपा एकीकृत समाजवादी पार्टीका कार्यकर्ताहरुले सोमबार बिहानैदेखि धुनिबेंसी–१ ढाडेमा फोहोर बोकेका गाडीलाई रोकेका थिए । सोमबार दिउँसो प्रहरी परिचालन गरी अवरोध हटाएर फोहोर विसर्जन गरिएको थियो । त्यस्तै गत सोमबार राति बन्चरे डाँडा ल्यान्डफिल क्षेत्रमा फोहोर बोकेर गएका गाडीहरू तोडफोड भएको थियो । धादिङ र नुवाकोटको सिमाना नजिकै पार्किङ गरेर राखिएको फोहोर बोकेका १४ वटा टिपर सोमबार राति तोडफोड भएको काठमाडौं महानगरपालिकाले जनाएको थियो ।

सिट बाँडफाँटको खाका तयार गर्ने जिम्मा सिटौलालाई

काठमाडौँ, साउन ३१ गते । 

पाँच दलीय गठबन्धनको निर्वाचन तयारी कार्यदलको बैठकले सिट बाँडफाँट आधारको खाका तयार गर्ने जिम्मा कार्यदलका संयोजक कृष्णप्रसाद सिटौलालाई दिएको छ।  

आगामी मङ्सिरमा हुने सङ्घ र प्रदेशको निर्वाचनका लागि उम्मेदवारको सिट व्यवस्था मिलाउन गठित सो कार्यदलको सोमबार बसेको तेस्रो बैठकले आगामी बैठकमा सो खाका पेस गर्ने जिम्मा सिटौलालाई दिएको हो। २०७४ सालको आमनिर्वाचनमा राजनीतिक दलहरूले पाएको समानुपातिक मत र हालै सम्पन्न स्थानीय तह निर्वाचनमा वडातहमा पाएको मतको आधारलाई लिएर बाँडफाँटको खाका तयार गरिने छ। यसअघिका बैठकमा सिट बाँडफाँट गर्दा लिनुपर्ने आधारका सबै विकल्प खुला राख्नुपर्ने र सम्भावित सबै विकल्पमा छलफल अघि बढाउने सहमति भएको थियो। बैठकपछि नेपाली कांग्रेसका नेता तथा सरकारका प्रवक्ता ज्ञानेन्द्रबहादुर कार्कीले अघिल्लो आमनिर्वाचनमा प्राप्त मत र हालै सम्पन्न भएको स्थानीय तह निर्वाचनमा प्राप्त मतलाई आधार बनाएर सिट बाँडफाँट गरिने सहमति भएको बताउनुभयो। यसअघि नेपाली कांग्रेसले हालै सम्पन्न स्थानीय तह निर्वाचनको परिणामलाई आधार मान्नुपर्नेमा जोड दिँदै आएको थियो भने अरू दलले गत आमनिर्वाचनमा प्राप्त मतलाई बेवास्ता गर्न नहुने अडान राख्दै आएका थिए।  

स्थानीय तहले प्रतिवेदन नबुझाए अनुदान रोकिने

काठमाडौँ, साउन ३० गते । 

स्थानीय तहले आव २०७८/७९ को आम्दानी र खर्चको प्रतिवेदन नबुझाए अनुदान नपाउने भएका छन् । स्थानीय तहलाई अन्तरसरकारी वित्तीय हस्तान्तरणसम्बन्धी व्यवस्था र मार्गदर्शन जारी गर्दै अर्थ मन्त्रालयले साउन मसान्तसम्म त्यस्तो प्रतिवेदन नबुझाए राजस्व बाँडफाँट र अनुदानबापतको रकम हस्तान्तरण नहुने जनाएको हो ।  मन्त्रालयले तोकिएको ढाँचामा त्यस्तो प्रतिवेदन सम्बन्धित कोष तथा लेखा नियन्त्रक कार्यालयमा पठाउनुपर्ने मार्गदर्शनमा उल्लेख गरेको छ । स्थानीय तहलाई जाने वित्तीय समानीकरण, विशेष, समपूरक र ससर्त अनुदान तथा राजस्व बाँडफाँटबापतको रकम र आयोजना तथा कार्यक्रमको जानकारी महालेखा नियन्त्रक कार्यालयले स्थानीय सञ्चित कोष व्यवस्थापन प्रणाली (सुत्र)मा प्रविष्ट गरिसकेको छ तर गत आर्थिक वर्षको प्रतिवेदन नबुझाएसम्म भने स्थानीय तहले कुनै किसिमको वित्तीय हस्तान्तरण र राजस्व बाँडफाँट उपयोग गर्न पाउने छैनन् ।  महालेखा नियन्त्रक कार्यालयले आगामी भदौ २ गते वित्तीय समानीकरण र ससर्त अनुदानको एक चौथाइले हुन आउने रकम स्थानीय सञ्चित कोषमा हस्तान्तरण गर्दै छ । त्यसबाहेक कात्तिक २ गते, माघ २ गते र वैशाख २ गते गरी बाँकी अन्य तीन किस्ताको रकम हस्तान्तरण हुनेछ । 

असामान्य परिस्थिति उत्पन्न भई लक्ष्यअनुसार राजस्व सङ्कलन हुन नसकेमा वित्तीय समानीकरण अनुदानको पहिलो किस्ताबाहेक अन्य किस्ता र सोबापतको रकम सङ्कलित राजस्वको अनुपातका आधारमा पुनः निर्धारण गरेर हस्तान्तरण हुने मार्गदर्शनमा उल्लेख छ । 

मार्गदर्शनअनुसार तोकिएको समयमा वित्तीय समानीकरण अनुदानबापतको खर्च रकमको विवरण सम्बन्धित कोष तथा लेखा नियन्त्रक कार्यालयमा नबुझाएमा अनुदानबापतको बाँकी रकम स्थानीय सञ्चित कोषमा हस्तान्तरण हुनेछैन । स्थानीय तहले त्यस्तो विवरण कात्तिक १, माघ १, वैशाख १ र २०८० साउन मसान्तसम्म बुझाउनुपर्नेछ । ससर्त अनुदानबापत स्थानीय तहले प्राप्त गर्ने रकमका लागि जुन विषय क्षेत्रको योजना वा कार्यक्रमका लागि प्राप्त हुने हो, सोही योजना वा कार्यक्रमका लागि मात्र खर्च हुने गरी मासिक नगद प्रवाहको विवरणसमेत यही साउन मसान्तभित्र सम्बन्धित कोष तथा लेखा नियन्त्रक कार्यालयमा पेस गर्नुपर्नेछ ।

एउटै चिन्हमा चुनाव लड्दै दाहाल र डा. भट्टराई

नुवाकोट । १ भाद्र

सत्ता साझेदार दल नेकपा ९माओवादी केन्द्र० र नेपाल समाजवादी आगामी निर्वाचनमा एउटै निर्वाचन चिन्हबाट लड्दैछन् । माओवादी केन्द्रका अध्यक्ष पुष्पकमल दाहाल ९प्रचण्ड० र नेसपाका अध्यक्ष डा। बाबुराम भट्टराईबीच करिब ६ वर्षपछि एउटै चुनाव चिन्ह अर्थात् गोलाकार भित्रको हसियाँ हथौडा चिन्हमा चुनाव लड्ने सहमति जुटेको हो ।

माओवादी केन्द्रीय कार्यालय सचिव डोरप्रसाद उपाध्यायले माओवादीले निर्वाचन आयोगमा हिजो आइतबार दल दर्ता गराएको तर, डा। भट्टराई पनि यही चिन्हमा जाने सहमति आज जुटेपछि थप मंगलबार यसको थप प्रक्रिया अघि बढ्ने जानकारी दिनुभयो ।

उहाँले भन्नुभयो, “हाम्रो दल हिजो मात्र दर्ता भयो । तर, आज डा। बाबुराम भट्टराई पनि यही निर्वाचन चिन्ह लिएर चुनावमा जाने नयाँ खालको सहमति भयो । त्यो सहमति भएकाले निर्वाचन आायेगले अर्को ढाँचा अनुसूची १४ बमोजिम भोलि यसको प्रक्रिया अघि बढ्छ ।”

पूर्व माओवादी नेता डा। भट्टराईले माओवादीबाट २०६४ सालको संविधान सभाको चुनावमा गोरखा क्षेत्र नम्बर–२, २०७० सालमा गोरखा क्षेत्र नम्बर–१ बाट चुनाव जित्नुभएको थियो । उहाँले २०७३ सालमा नयाँ शक्ति पार्टी गठन गर्नुभयो र२०७४ को प्रतिनिधिसभा चुनावमा ‘आँखा’ निर्वाचन चिन्हबाट चुनाव जित्नुभएको थियो । 

उपाध्यायले अब थप प्रक्रिया अघि बढाउन आयोगमा माओवादी केन्द्र र नेपाल समाजवादीले पार्टीको पदाधिकारी, केन्द्रीय समिति, लेखा प्रतिवेदनको कागजात बुझाउनुपर्ने उल्लेख गर्नुभयो । 

यसपछि आयोगको ढाँचा अनुसारको फारम भरेर, टिकत वितरण गर्ने आधिकारिक व्यक्तिको हस्ताक्षरसहितको सम्पूर्ण कागजपत्र आयोगमा बुझाइने उहाँले भन्नुभयो । माओवादी अध्यक्ष प्रचण्डले यसअघि सार्वजनिक रुपमा आगामी निर्वाचनमा चितवनबाट उम्मेदवारी दिने बताउँदै आउनु भएको छ । 

Friday, August 12, 2022

जनै पुर्णिमा पर्व मनाईदै

नुवाकोट । २६ साउन । 

हिन्दू धर्मावलम्बीहरूको पवित्र पर्व जनै पूर्णिमा अर्थात् ऋषितर्पणी शुक्रवार नुवाकोटमा पनि मनाईएको छ । जनै पुर्णिमाको अवसरमा हिन्दु व्राम्हण तथा क्षत्रीहरुले त्रिशूली र तादी नदिमा नुवाईधुवाई गरेका छन् । जनै पुर्णीमाको अवसरमा विशेष गरी शिव मन्दिर सहित विभिन्न मन्दिरहरुमा पनि भक्तजनहरुले पुजाआजा गरेका छन् । 

विहानै ब्राम्हणहरुले नदी किनारामा भगवान शिवको आराधाना सहित रुद्री पाठ गरी जनै तथा हातमा लगाउने रक्षाबन्धन डोरो पुजा गरेका छन् । यस दिनमा बिहान नुहाइ धुवाइपछि जौं, तील र कुशले ऋषिहरुलाई तर्पण गरी वैदिक पद्धतिबाट मन्त्रिएको नयाँ जनै फेर्ने गरिन्छ । ऋषिलाई तर्पण गर्ने भएकाले यस दिनलाई ऋषितर्पणी भन्ने गरिएको हो । यसरी विधिपुर्वक पुजा गरिएको जनै र डोरो व्राम्हण पुरोहितहरुले घर–घरमा गएर लगाईदिने प्रचलन रहेको छ । गर्ने जनै तथा रक्षावन्धन डोरो विधिपूर्वक मन्त्रेर  लगाउने प्रचलन छ ।