छोरी बलात्कार गर्ने बाबु पक्राउ

नाबालिका छोरीलाई बलात्कार गर्ने एक बावुलाई प्रहरीले पक्राउ गरेको छ । तनहुँ दुलेगौंडा घर भई हाल पोखरामा बस्दै आएका एक ३० बर्षीय युवक पक्राउ परेका हुन् ।

गत माघ २५ गते बिहानको समयमा श्रीमती नभएको मौका पारेर १२ बर्षीया झड्केली (बाबु अर्कै) छोरीलाई ललाई फकाई तथा डरत्रास देखाएर बलत्कार गरेको आरोपमा पक्राउ गरिएको प्रहरीले जनाएको छ । बलात्कारपछि फरार उनलाई क्षेत्रीय अस्पताल हाताबाट शनिवार पक्राउ गरिएको हो । उनले बिहान श्रीमतीलाई भेट्न बोलाएपछि वडा प्रहरी कार्यालय रामबजारमा खबर गरेकी र संगै गएको प्रहरीले उनलाई पक्रेको थियो ।

जिल्ला प्रहरी कार्यालय कास्कीका निरीक्षक रबिन्द्र पौडेलले आरोपितले गल्ती स्विकारी सकेका छन । अब उनलाई नाबालिकालाई जबरजस्ती र हाडनाता करणी गरेको आरोपमा मुद्धा चलाईने पौडेलले बताए ।

कक्षा ६  मा पढ्ने बालिका पानी परेका कारण विद्यालय नगएका बेला बलात्कार गरेको आमाले बताईन् । त्यसपछि स्थानीयबासीको सहयोगमा बालिकाको उपचार र प्रहरीमा जाहेरी दिईएको थियो । ‘कसैलाई भने पेट्रोल खन्याएर मारिदिन्छु भन्ने डर देखाएकाले सुरुमा बालिकाले घटना लुकाएकी थिईन’, एक छिमेकीले भनिन्, ‘रगतपच्छे भएको देखेपछि बल्ल घटना सार्वजनिक भएको हो ।’