स्ववियु निर्वाचन : फैसलदिन मियाँको नेतृत्वमा अनेरास्ववियुको उमेदवारी

नुवाकोट । २९, फागुन । 

नुवाकोटको सवैभन्दा पूरानो र धेरै विद्यार्थी रहेको नुवाकोट आर्दश बहुमुखी क्याम्पसमा स्ववियु निर्वाचनका सरगर्मी बढेको छ । चैत्र ५ गते हुन गईरहेको  स्ववियु निर्वाचनमा नेकपा एमाले निकट अनेरास्ववियुले फैसलदिन मियाँको नेतृत्वमा उमेदवारी दर्ता गरेको छ । पछिल्लो पटक एक दशकभन्दा लामो समय स्ववियु विहिन रहेको नुवाकोट क्याम्पसमा आफ्नो पूरानो विरासत जोगाउने अठोटका साथ अखिलले एकल उमेदवारी दर्ता गराएको वताईएको छ । 

अखिलबाट फैसलदिन मियाँको नेतृत्वमा रहेको समितिमा सचिव राजकुमार गजुरेल र कोषाध्यक्ष  नविना आचार्य रहेका छन् । यस्तै सदस्यहरुमा सुबास रिमाल, निकेश सापकोटा, सरज रिमाल , निराजन नेपाली, सुस्मिता नेपाल , समृता कोइराला र रबिना भट्टराई रहेका छन् । अखिलले समानुपातिक तर्फ आयुश अधिकारी, सन्तोष कुमाल, सबिना खड्का, बिमा श्रेष्ठ, बिना रिमाल, स्मिता कोइराला, सुमन कुमाल र प्रबिन श्रेष्ठलाई उमेदवारको रुपमा अगाडि सारेको छ ।

नुवाकोट क्याम्पसका पछिल्ला स्ववियु निर्वाचनमा वर्चस्व राखेको अखिलले यस पटक पनि आफ्नै नेतृत्व चयन हुने विश्वास राखेको सभापतिका उमेदवार मियाँले वताए । 

करिव १४ वर्षपछि यस क्याम्पस सहित देशैभरका क्याम्पसमा स्ववियु निर्वाचन हुन लागेको हो । स्ववियु निर्वाचनमा पहिलो पटक प्रत्यक्ष र समानुपातिक प्रणालीबाट निर्वाचन हुँदैछ । नुवाकोट क्याम्पसमा कुल एक हजार एकसय ४३ जना विद्यार्थी मतदाता रहेका छन् ।