कुरिनटार ,२३ साउन ।
मनकामना केबुलकार मर्मत संभारका लागि आजबाट ६ साता लामो समयसम्म बन्द भएको छ । एनालग प्रविधिमा रहेको केबुलकार डिजिटल प्रविधिमा लानको लागि साउन २३ गतेदेखि भाद्र मसान्तसम्मको लागि बन्द गरिएको हो ।केबलकार मर्मतका लागि अष्ट्रेलियाबाट प्राविधिकहरू आइतबार नै चेरेशमा आइसकेको सोमबार बिहानैदेखी काम शुरु भएको मनकामना दर्शन प्रालिका नायब महाप्रबन्धक उज्वल शेरचनले बताउनुभयो । उहाँका अनुसार बन्द अवधी भित्र केबललाई घुमाउन प्रयोग भएको मुख्य बेरिङ, कारका सबै ग्रिप फेर्ने र टावर नम्बर २, ३, ५ र ६ नम्बरको टावरको ओभरहल सर्भिसिङका साथै कारका सबै ह्याङगरहरु चेकजाँच हुने छन् ।
सञ्चालक मध्ये एक राजेशबावु श्रेष्ठका अनुसार स्तरोन्नतिका लागि ६ हप्ता लाग्ने प्रारम्भिक प्रक्षेपण गरेर सोही अनुसारको तयारी थालीको भएता पनि चाढै नै काम सम्पन्न भएको खण्डमा सोही अनुसार केबुलकार सञ्चालनमा आउने बताउनुभयो ।
सञ्चालनको २ दशक पार गरेको केबुलकारले विश्व बजारमा एनालग प्रविधि हराउदै गएको र डिजिटल प्रविधि आउन थालेकोले सोही अनुरुप केबुलकारलाई ढाल्न खोजिएको सञ्चालन श्रेष्ठले बताउनुभयो ।
गोरखाको मनकामनामा अवस्थित प्रसिद्ध धार्मिक स्थल मनकामना मन्दिरको दर्शन गर्न जान सहजताक लागि वि.स.०५५ सालमा मंसिर ८ गतेबाट विधिवत रुपमा सञ्चालनमा आएको हो ।
स्तरोन्न्तीका लागि ५ देखी ६ हप्ता सम्म लाग्ने जनाएको छ । सो अवधीभर केबुलकार सेवा बन्द रहने छ । बटम स्टेशन स्थित रेष्टुरेन्ट खुल्ला रहने छ ।
No comments:
Post a Comment