Monday, August 8, 2022

सिट बाँडफाँटबारे छलफल गर्न कांग्रेस शीर्ष नेताको बैठक बस्दै

काठमाडौँ  

सत्तारुढ नेपाली कांग्रेसका सभापति एवम् प्रधानमन्त्री शेरबहादुर देउवाले पार्टीका नेताहरुलाई छलफलका लागि बोलाएका छन् । 

आगामी मंसिर ४ गते हुने निर्वाचनमा सत्ता गठबन्धनमा रहेका दलहरुसँग चुनावी तालमेल गर्ने सहमति गरेका देउवाले सिट बाँडफाँटमा पार्टीले कसरी, कुन आधारमा कति सिट लिने भन्ने टुंगो लगाउन पार्टीका शीर्ष नेताहरुको बैठक राखेका छन् ।

बैठक सोमबार बिहान साढे ९ बजे प्रधानमन्त्रीको सरकारी निवास बालुवाटारमा बस्दैछ । स्रोतका अनुासर बैठकमा पार्टीका पदाधिकारी र पूर्वपदाधिकारीहरुलाई बोलाइएको छ ।

ुचुनावको मिति तोकिएको छ । गठबन्धन गरेर जाने पार्टीकै निर्णय हो । तर अब सिट बाँडफाँटको विषय उठिरहेको छ, जुन एकदमै पेचिलो छ,ु ती नेताले भने, ुसिट बाँडफाँटबारे छलफल गर्न सभापतिजीले बैठक राख्नुभएको छ ।ु

बैठकमा गठबन्धनमा सिट बाँडफाँट गर्न बनेको कार्यदलमा सदस्य रहेका नेताहरु समेत सहभागी हुनेछन् । कार्यदलको बैठक पनि सोमबारै बस्दैछ । पार्टीको बैठकमा छलफल भएपछि गठबन्धनमा कसरी प्रस्तुत हुने भनेर टुंगो लाग्ने नेताहरुको भनाइ छ । कांग्रेसले असार अन्तिम साता बसेको केन्द्रीय समिति बैठकबाट आगामी निर्वाचनमा गठबन्धन गर्ने निर्णय गरेको थियो ।

No comments:

Post a Comment