नुवाकोट । २२ फागुन ।
नुवाकोटको विदुर ५ पिपलटारका किसानलाई पशुपालनवाट उद्यमशिलता प्रवद्र्धन गर्न तालिम आयोजना भएको छ । निर्वाहमुखी ढंगले सञ्चालन भईरहेको पशुपालनलाई ब्यवसायिक बनाउन जोड दिदै तालिम सञ्चालन भएको हो ।
नेपाल घरेलु तथा साना उद्योग महासंघ जिल्ला कार्यसमिति नुवाकोटको आयोजनामा सञ्चालित तिन दिने तालिम आईतवार सम्पन्न भएको हो । तालिम समापन कार्यक्रममा बोल्दै वागमती प्रदेशका कृषि तथा पशुपंक्षि मन्त्री इन्द्रमाया गुरुङले तालिमपछि ब्यवसायिक ढंगले पशुपालन गर्न जोड दिईन् । ‘कृषिप्रधान मुलुक भएर पनि नेपालमा पशुजन्य वस्तुको आयात बढ्दो छ’ मन्त्री गुरुङले भनिन्–ब्यवसायिक पशुपालन गरेर दुग्धपदार्ध तथा मासुमा आत्म निर्भर बन्न सके आयात प्रतिस्थापन गरी ब्यापार घाटा न्युनिकरण गर्न सकिन्छ ।
कार्यक्रममा घरेलु तथा साना उद्योग कार्यालय नुवाकोटका प्रमुख रामप्रसाद भुषालले कृषि तथा पशुपालनको ब्यवसायिकताबाट नै किसानहरु आत्म निर्भर हुन सक्ने बताए ।उद्यम गरौ, उद्यमी बनौ, स्वदेशी बस्तु प्रयोग गरौ भन्ने नाराका साथ किसानहरुलाई पशुपालनमा आकर्षित गर्न र ब्यवसायका क्रममा आउने समस्या समाधान र बजार प्रवद्र्धन गर्न तालिम आयोजना गरिएको नेपाल घरेलु तथा साना उद्योग महासंघ जिल्ला कार्यसमिति नुवाकोटका अध्यक्ष रामकृष्ण राजभण्डारीले जानकारी दिए ।
No comments:
Post a Comment