Sunday, February 12, 2012

माओवादीले शान्ति प्रकृया अड्काए ः कांग्रेस नेता







नेपाली कांग्रेसका केन्द्रिय सदस्य अर्जुन नरसिह केसीले माओवादीले शान्ति प्रकृया अड्काएको वताउनुभएको छ । सम्झौता र सहमती गर्ने र त्यसलाई व्यवहारमा नउतार्ने माओवादीको द्वैध चरित्रका कारण शान्ति प्रक्रिया र संविधान निर्माणमा ढिलाई भएको उहाँले वताउनु भएको छ । 
नेपाल शिक्षक संघद्वारा आयोजित जिल्ला प्रतिनिधी सभा एवं अभिनन्दन कार्यक्रममा वोल्दै केन्द्रिय सदस्य केसीले शिविरवाट माओवादीले आफ्नै लडाकुको चेक लुट्ने प्रवृत्तिले उनीहरुको जनवाद भन्दा धनवादमा विश्वास रहेको पुष्टि भएको वताउनुभयो । 
माओवादीले हतियार र लडाकु नछोडे सम्म संम्विधान निर्माण भएपनी त्यसले व्यवहारिक नपाउने वताउदै कांग्रेस केन्द्रिय सदस्य केसीले शान्ति प्रक्रिया पुरा नभएसम्म संम्विधान निर्माणमा काग्रेसले सहयोग नगर्ने वताउनुभयो । आफ्नै लडाकुको चेक लुटने माओवादीले जनतालाई के दिन सक्लान भन्ने माओवादी प्रति लक्षित गर्दै केसीले उनीहरुले पछिल्लो प्रवृत्ति धनवादी देखीएकाले आफ्नै समुहवाट समाप्त हुने दावी गर्नुभयो ।
कार्यक्रममा नेपाली कांग्रेसका अर्का केन्द्रिय सदस्य एवं सभासद डा. प्रकाशशरण महतले माओवादीले बहुलवाद र लोकतन्त्रलाई स्विकार गर्न नसकेको वताउनुभयो । उहाँले शान्ति प्रकृया अड्काएर माओवादी एकदलीयताको अभ्यासमा लागेको आरोप लगाउनुभयो ।  सभासद जगदीश्वर नरसिह केसीले माओवादीले प्रस्ताव गरेको संघियताले जातीयतालाई अधिकार दिएको भन्दै त्यसले जातीयता भित्र विखण्डन आउने हुदा कांग्रेस त्यसको विपक्षमा रहेको वताउनुभयो ।
कार्यक्रममा शिक्षक ताराप्रसाद पाठक, वावुराम लामिछाने सहित एक दर्जन बढिलाई सम्मानित गरिएको थियो । 

No comments:

Post a Comment