Wednesday, February 29, 2012

बिस्फोट लामाकै योजनामा

            राजधानीको बबरमहलमा सोमबार भएको बम विस्फोट 'विश्वक्रान्ति' भनिने देवराज लामाकै योजनामा भएको निष्कर्ष प्रहरीले निकालेको छ। महानगरीय प्रहरी अपराध महाशाखाले मंगलबार दिनभरको अनुसन्धानका आधारमा लामाकै योजनामा विस्फोट भएको निष्कर्ष निकालेको हो। विस्फोटमा धादिङ बैरेनीका मानबहादुर तामाङ, त्यहींका कृष्णबहादुर तामाङ र बाराका वीरबहादुर तामाङ मारिएका थिए।सात घाइते भएका थिए। घटनालगत्तै केही सञ्चारमाध्यममा फोन गरेर विश्वक्रान्तिको नाममा लामाले घटनाको जिम्मेवारी लिए पनि प्रहरीले पुष्टि गरेको थिएन। 
            प्रहरीले मंगलबार भने 'तीन जनाको ज्यान जानेगरी बबरमहलमा भएको विस्फोटको घटनामा लामा प्रमुख रूपमा संलग्न रहेको' किटान गरेको छ।लामा संलग्न रहेको संयुक्त जातीय मुक्तिमोर्चाले विज्ञप्तिमार्फत घटनामा संलग्नता अस्वीकार गरे पनि प्रहरीले मोर्चाका पदाधिकारीलाई समेत खोजिरहेको छ। 
प्रकृति हेर्दा मोर्चाले सरकारलाई धम्क्याउन विस्फोट गराएको तर घटनामा आफ्नै समुदायका व्यक्ति परेपछि 'फेस सेभिङ'का लागि विरोध गरेको निष्कर्ष प्रहरीले निकालेको अनुसन्धान समितिका एक सदस्यले बताए।
 

No comments:

Post a Comment