राजधानीमा बम विष्फोट-तीनजनाको मृत्यु

 नागरिक- राजधानी काठमाडौँको बबरमहलस्थित नेपाल आयल निगमको गेटमा बम विस्फोट हुँदा दुई जनाको घटनास्थलमै मृत्यु भएको छ। एकको वीर अस्पतालमा पुग्नासाथ मृत्यु भएको हो। 

 घटनामा मृत्यु हुने मध्ये धादिङ बैरेनी १ का ३५ वर्षीय कृष्णबहादुर तामाङ र सोही स्थान निवासी मानबहादुर तामाङको मात्र सनाखत भएको छ। ६०-६५ वर्षका बाँकी एक जनाको सनाखत हुन बाँकी रहेको महानगरीय प्रहरी परिसरले बताएको छ।

परिसरका प्रवक्ता धीरजप्रताप सिंहका अनुसार घटनामा ७ जना घाइते भएकोमा बाराका ३५ वर्षीय सोमबहादुर तामाङको अवस्था सिकिस्त छ। ती बाहेक अरुको अवस्था सामान्य छ। प्रहरीले इलेक्ट्रोनिक डिभाइस प्रयोग गरेर विस्फोट गराइएको बताएको छ। विस्फोट गराउनेको पहिचान भइसकेको र चाँडै नै पक्राउ पर्ने उनले बताए